Sinhala Typing Tool

සමලිංගිකයන්ට වෛර කරන රුසියාව

View previous topic View next topic Go down

සමලිංගිකයන්ට වෛර කරන රුසියාව

Post  Akash on 9th June 2013, 12:27

යුරෝපයේ බොහෝ රටවල සමලිංගික විවාහ නීතිගත කෙරෙමින් තිබුණත් රුසියාවේ සමලිංගිකයකුට වදදී මරා දමා තිබේ. එරට සමලිංගික රූපවාහිනී නිවේදකයකු රැකියාවෙන් පලවා හැර ඇත.
ඇන්ටන් ක්‍රසොව්ස්කි ගේ මිතුරෝ ඔහු සමලිංගිකයකු බව දැන සිටියහ. එහෙත් ඔහු තමන් සමලිංගිකයකු බව සජීවි රූපවාහිනි වැඩසටහනකින් ප්‍රකාශ කළ විට සියල්ල නරක අතට හැරිණි. ක්‍රෙම්ලිනයේ මුදලින් පවත්වාගෙන ගිය රාජ්‍ය රූපවාහිනී සේවා කිහිපයක නිවේදකයකු ලෙස කටයුතු කළ ඔහු ලිබරල් අදහස් දැරුවකු වුවත් පැවැති ක්‍රමයට පක්ෂපාතිව කටයුතු කළේය. එහෙත් තමන් සමලිංගිකයකු බව ප්‍රසිද්ධියේ පැවසීම රතු ඉර පැනීමක් වූයේය.

“මම සමලිංගිකයෙක්. ඒ වගේම පුටින් සහ මෙඩ්චෙඩෙව් වගේම මනුෂ්‍යයෙක්” ඔහු රුසියාවේ ජනාධිපතිවරයාගේත් අගමැතිවරයාගේත් නම් සදහන් කරමින් සජීවි රූපවාහිනි වැඩසහනේදී පැවසුවේය. රුසියානු සමජයට එය විප්ලවීය ප්‍රකාශයක් වූයේය. වහාම ඔහු රැකියාවෙන් නෙරපා හැරුණු අතර රූපවාහිනි සේවාවන්ට අදාළ වෙබ් අඩවිවල ඔහු ගැන තිබූ සියලු තොරතුරු ඒ සමඟම ඉවත් කෙරිණි.

“මම රූපවාහිනි නිවේදකයකු ලෙස බොහෝ මුදල් ඉපැයුවා. ඒ වගේම එම ප්‍රකාශය කළ වහා මට සියල්ල අහිමි වන බවත් මම දැන සිටියා” ඔහු මසකට පසු පැවසුවේය. දැන් ඔහු රැකියා විරහිත තරුණයෙකි. “ඒ වගේම මම ඒ ප්‍රකාශය කළේ හොඳ අවබෝධයක් ඇතිවයි. ඒ හැර වෙන කරන්න දෙයක් මට තිබුණේ නැහැ. මම ඒක කළේ වැඩි ජනප්‍රියත්වයක් ලබන අදහසිනුත් නෙවෙයි. මට අවශ්‍ය වුණේ එය ක්‍රෙම්ලිනයට ඇසෙන්නයි. ඔවුනට එය ඇසුණා. ඒ අසා ඔවුන් ගල් ගැසුණා.”

රුසියානු පාර්ලිමේන්තුව සැරසෙමින් සිටින්නේ සමලිංගිකත්වයට අදාළ ප්‍රචාරක කටයුතු නීතියෙන් තහනම් කිරීමේ පනතක් ගෙන ඒමටය. මේ වන විට රුසියාවේ සමලිංගිකයන් සිටින්නේ සීමිත ප්‍රමාණයකි. එහෙත් යුරෝපාකරයේ හා වෙනත් රටවල පවතින ප්‍රවණතා නිසා තම රටේද සමලිංගිකත්වය වර්ධනය වනු ඇත යන බිය ක්‍රෙම්ලිනයට පවතී. පසුගිය මැයි මස මුලදී 23 හැවිරිදි තරුණයකුගේ මළ සිරුරක් වොල්ගොග්‍රාඩ්හිදී හමුවිය. තමා සමලිංගිකයෙකැයි පැවසීම නිසා ඔහුට පහරදී මරා දමා ඇති බව හෙළිවිය. සෝඩා බෝතලවලින් එම තරුණයාට පහරදී ඔහු ගේ ලිංගේන්ද්‍රිය බෝතල කටුවලින් කපා දමා තිබිණි.

මෙම වාතාවරණය නිසා රුසියාවේ සමලිංගිකත්වයට නැඹුරු වූ අය දැන් ජීවත්වන්නේ බියෙන් යුතුවය. එරට එතෙක් මෙතෙක් ඉතිහාසයේ කිසිම අවස්ථාවක සමලිංගිකත්වය ප්‍රචලිත වූයේ නැත.
එහි අදහස එරට සමලිංගිකයන් සිටියේම නැත යන්න නොවේ. ගායකයන්, කලාකරුවන් හා අනෙකුත් ක්ෂේත්‍රවල අයවළුන් අතර සමලිංගිකයෝ සිටියහ. එහෙත් ඔවුන් ජීවත්වූයේ ඒ බව සඟවාගෙනය. ඔවුන්ගේ සමලිංගික ක්‍රියාකාරකම් සමාජයට රහසක්ම විය. මෑතකදී කළ සමීක්ෂණයකදී හෙළිවූයේ රුසියානු වැසියන්ගෙන් 80% ක්ම, සමලිංගිකයන් තම ලිංගික ජීවිතය රහසක් ලෙස රැකිය යුතුයැයි සිතන බවය. එදා මෙදා තුරු රුසියානු සමලිංගිකයන් ගතකර ඇත්තේ දෙබිඩි ජීවිතයන්ය. රුසියානු පාර්ලිමේන්තුවේ සම්මත වීමට සූදානම්ව ඇති පනතට විරෝධය පළකරන්නේ සමලිංගිකයන්ම මිස සාමාන්‍ය වැසියන් නොවේ.

“එය සමලිංගිකයන්ගේ මානව අයිතිවාසිකම් කප්පාදු කිරීමක්” එරට ප්‍රමුඛ පෙළේ සමලිංගික අයිතිවාසිකම් පිළිබඳ ක්‍රියාකාරියකු වූ ඉගෝර් කොචෙට්කොව් පවසයි. “එයින් මිනිසුන් බියට පත්කරනවා. සමලිංගිකයන් සැඟවී ජීවත් විය යුතු බවත් අඟවනවා. සමලිංගිකයන් මෙහිදී තම අයිතිවාසිකම් රැක ගන්නට පෙරට ආ යුතුයි.”
රුසියාවේ සිටින සමලිංගිකයන් සංඛ්‍යාව සුළු බව රූපවාහිනී නිවේදකයකු ලෙස කටයුතු කළ ඇන්ටන් ක්‍රොසොව්ස්කි පිළිගනියි. එම සුළු පිරිස වුව ඉදිරියට පැමිණීමට කාලය පැමිණ ඇති වග ඔහුගේ අදහසයි.

“මෙරට ප්‍රකට පුද්ගලයන් අතර පවා සමලිංගිකත්වයට නැඹුරු වූ අය සිටිනවා. ඒත් ඔවුන් මෝඩයන් හා බයගුල්ලන් ලෙස සැඟව ඉන්නවා. තම අයිතීන් රැකගන්න ඉදිරියට ඒමට ඔවුනට ධෛර්යයක් නැහැ. රුසියාවේ වෙසෙන යුදෙව්වන් ගැන සිතන්න” ඔහු තවදුරටත් තර්ක කරයි. “ඒ අයගේ විදෙස් ගමන් බලපත්‍රවල සඳහන් වන්නේ ඔවුන් රුසියානුවන් කියා මිස යුදෙව්වන් කියා නෙවෙයි. එය සාධාරණයි. හැමෝම මිනිස්සු. ඒත් මේ සමාජයේ කෙනෙක් තමන් සමලිංගිකයකු බව පැවසුවොත් ඔහු කොන් වෙනවා. කොන්කරනවා. එය වැරදියි. ඔවුන් පවා අනෙක් අය වගේම සාමාන්‍ය මිනිසුන්.”
මෑතකදී පවත්වනු ලැබූ සමීක්ෂණයේදී හෙළිවූයේ සමලිංගිකත්වය සාමාන්‍ය දෙයක් බව පිළිගත්තේ 16% ක් පමණක් බවය. සමීක්ෂණයට සහභාගි වූ අයගෙන් වැඩිදෙනා පවසා තිබුණේ සමලිංගිකයන්ට මානසික වෛද්‍ය ප්‍රතිකාර ලබා දිය යුතුය කියායි.

2007 වසරේ මොස්කව් නුවර සමලිංගිකයන්ගේ පෙළපාලියක් පැවැත්විණි. ඊට සහභාගිවීමට බ්‍රිතාන්‍යයේ සිට එහි පැමිණි සමලිංගික අයිතිවාසිකම් පිළිබඳ ක්‍රියාකාරියකු වූ පීටර් ටැට්ඩෙල්හට පිරිසක් පහර දුන්හ. එයින් ඔහු ගේ මොළයට හා ඇසකට හානි සිදුවිය. ඔහු පවසන්නේ රුසියාවේ සමලිංගිකයන් ගේ ජීවිතවලට දැඩි අවදානමක් එල්ල වී ඇත කියායි. ඔවුන් තම රැකියාවන් අහිමිවීම ගැන සහ පහරදීමට ලක්වේය යන බිය නිසා ඉදිරියට නොපැමිණෙන බව ඔහුගේ අදහසයි.
“ලොව පුරා සමලිංගිකයන් ඉදිරියට පැමිණෙමින් සිටිනවා.” පීටර් පවසයි. “සමලිංකියන් ද මනුෂ්‍යයන් බව ඕනෑම සමාජයක් වටහා ගත යුතුයි.”

මොස්කව් හි පළවන සතිපතා සඟරාවක් වූ ‘අෆිෂා’ සඟරාව එක් කලාපයක් වෙන් කළේ සමලිංගිකත්වය යන මාතෘකාවටය. එහිදී පුද්ගලයෝ 27 දෙනෙක් සඟරාව හරහා තමන් සමලිංගිකයන් බව ප්‍රසිද්ධියේ පිළිගත්හ. වඩාත් කැපී පෙනුණු දෙයක් වූයේ මොස්කව් නගර සභාවේ නිලධාරියකු වූ ඇලෙක්සැන්ඩර් ස්මිර්නොව් ද ඉදිරියට පැමිණ තමන් සමලිංගිකයකු බව පැවසීමයි.

තමා දිගු කලක් එම රහස සඟවාගෙන සිටි බවත් එසේ රහස සඟවාගෙන සිටි කාලය සෑහේයැයි සිතුණු බැවින් සත්‍යය පිළිගෙන ඉදිරියට පැමිණි බවත් ඇලෙක්සැන්ඩර් ස්මිර්නොව් පැවසුවේය.
“කාර්යාලයේදී කවරකු හෝ සමලිංගිකයන්ට අපහාස වන පරිදි කතා කළ විට මා මෝඩයකු මෙන් සිනාසුණා.” ඔහු සඟරාවට පවසා තිබිණි. “කඩවසම් පිරිමින් දෙස දිගු වේලාවක් බලා සිටීමෙන් වළකින්නට මම උත්සාහ කළා. ළමා වියේ පටන්ම මා ජීවත්වූයේ මගේ සැබෑ හැඟීම් සඟවාගෙනයි. ඒ දෙබිඩි ජීවිතය නිසා මා උමතුවට පත් නොවූ එක විමතියට කාරණයක්.”

ඔහු තවදුරටත් පවසා තිබුණේ තමන් සමලිංගිකයකු බව අඟවමින් ඔහුගේ නිවෙසට පැමිණි අයකු ඔහුට පහර දී ඔහු සතු දෑ පැහැරගත් බවයි. මේ සිද්ධිය ගැන ඇලෙක්සැන්ඩර් පොලිසියට පැමිණිලි කර නැත්තේ ලජ්ජාව සහ තමන් සමලිංගිකයකුය යන්න හෙළිදරව් වේය යන බියෙනි.

“සඟරාවට මේ කරුණු හෙළිදරව් කිරීම නිසා මට මිතුරන් නැතිවේවි. සමහරවිට රැකියාවත් අහිමි වේවි. ඒකට කමක් නැහැ.” ඔහු තවදුරටත් සඟරාවට පවසා තිබිණි. “මට වයස අවුරුදු 39 යි. අනෙක් අය මට ජීවත්වන විදිය කියා දෙනවාට යම් දෙයකට මා වැරදිකරු යැයි චෝදනා කරනවාට මම කැමති නැහැ. මට දැන් අවශ්‍ය මගේ සැබෑ ස්වභාවයෙන් ජීවත් වන්නටයි.”
රුසියාවේ සමලිංගිකයන් ලක්ෂ 100 ක් පමණ ජීවත් වන බව පැවසුවද නිල සංඛ්‍යා ලේඛන කිසි විටෙක ප්‍රසිද්ධ වී නැත.

“සමලිංගිකයන් ඉදිරියට නොඑන්නේ මාධ්‍ය ඔවුනට එරෙහිව ගෙන යන ප්‍රචාර නිසායි. ඒ වගේම ඊට සමලිංගිකයන් ගැන සමාජය දරන්නාවූ ආකල්පත් බලපානවා.” සමලිංගික අයිතිවාසිකම් පිළිබඳ ක්‍රියාකාරියකු වූ කොචෙට්කොව් පවසයි. “අප ඉල්ලා සිටින්නේ ඔවුන් දෙස මනුෂ්‍යයන් දෙස බලන්නාක් මෙන් බලන්නට කියායි.”
එහෙත් සමලිංගිකත්වය කෙරේ දැඩි විරෝධය දක්වන රුසියානුවකු වූ ඉවාන් ෂොලෙහොව් පවසන්නේ මෙවැන්නකි.

“දැන් සමලිංගිකත්වය, සමලිංගික විවාහ ලොව පුරා පැතිර යන විලාසිතාවක්, රැල්ලක් වී හමාරයි. හරියට 70 දශකයේ ලොව පුරා පැතිර ගිය හිපි රැල්ල වගේ. එය අපේ රටට ඇතුළු නොවුණත් එම රැල්ලේ නරක ප්‍රතිඵල තවමත් බොහෝ සමාජ විඳිනවා. කිසිම ආගමකින් අනුමත නොකළ ස්වභාව ධර්මයට පටහැනි බටහිර විලාසිතා බටහිර රැලි රුසියාවට අවශ්‍ය නැහැ.”

උපුටා ගැනීමකි

Akash
memebrs with 1 post

Now :
Online
Offline

City : Colombo
Country : Belgium
Posts : 2
GetReal Gold : 2568
Member Since : 2013-06-07

Back to top Go down

Re: සමලිංගිකයන්ට වෛර කරන රුසියාව

Post  kumaratarat on 9th June 2013, 12:33

:shock:

kumaratarat
+ 250 Posts

Now :
Online
Offline

Mood : Loveble

City : kottawa
Country : Sri Lanka
Posts : 379
GetReal Gold : 3684
Member Since : 2013-01-27

Back to top Go down

Re: සමලිංගිකයන්ට වෛර කරන රුසියාව

Post  Devapriya on 26th July 2013, 21:24

hate russia

Devapriya
Regular Member

Now :
Online
Offline

Country : Sri Lanka
Posts : 33
GetReal Gold : 2768
Member Since : 2013-05-06

Back to top Go down

Re: සමලිංගිකයන්ට වෛර කරන රුසියාව

Post  Sponsored content Today at 01:11


Sponsored content


Back to top Go down

View previous topic View next topic Back to top


 
Permissions in this forum:
You cannot reply to topics in this forum